رژێمی داگیرکەر لە بەیانییەوە تا ئێستا ٣١ فەلەستینی شەهید کردووە
13 oC
13 oC
Güneşli
13 oC
Güneşli
بە هۆی هێرشی ئاسمانی و زەمینی رژێمی سەهیۆنی کە لە سەعاتەکانی بەرەبەیانەوە دەستیپێکردووە، لانیکەم ٣١ فەلەستینی شەهید بووە و دەیان کەسی دیکەش بریندار بوون.
داگیرکەران خەڵکی مەدەنییان کردە ئامانج کە لە خاڵێکی دابەشکردنی یارمەتییەکان لە ناوچەی وادی غەززە لە ناوەڕاستی غەززە چاوەڕێی بوون. لەو هێرشەدا ٤ کەس شەهید بوون و ژمارەیەکی زۆریش بریندار بوون.
لە باشوور، رژێمی داگیرکەر خاڵێکی کۆبوونەوەی مەدەنی لە شارۆچکەی بەنی سوهەیلە لە ڕۆژهەڵاتی خان یونس بۆردومان کرد و بەهۆیەوە ٣ کەس شەهید و ژمارەیەکی زۆریش بریندار بوون. بەهەمان شێوە رژێمی داگیرکەر تەقەی لە ناوەندی فریاگوزاری شاکوش لە باکوری رەفەح کردووە و بەهۆیەوە ٢ کەس شەهید بوون و دەیان هاوڵاتی مەدەنیش بریندار بوون.
لە ناوچەی ئوم زوهیر لە باشووری ڕۆژهەڵاتی دەیر ئەلبەلاح، فەلەستینییەک دوای ئەوەی لەلایەن فڕۆکەیەکی بێفڕۆکەوانی رژێمی داگیرکەر کرایە ئامانج، شەهید بوو. هەروەها کەسێکی دیکە لە بەردەم ماڵەکەی خۆی لە شەقامی بیستەم لە کەمپی پەنابەرانی نوسەیرات کوژرا.
وەک دەزانرێت رژێمی سەهیۆنی لە ٧ی تشرینی یەکەمی ٢٠٢٣ەوە شەڕی جینۆساید لە غەززە بەڕێوە دەبات. ئەم شەڕە پراکتیزەی نامرۆڤانەی وەک بۆردومانکردنی نیشتەجێبوونی مەدەنییەکان، برسیکردنی زۆرەملێ، ئاوارەبوونی زۆرەملێ و تێکدانی بە ئەنقەستی ژێرخانی غەززە لەخۆدەگرێت.
لەم هێرشە دڕندانەیەدا کە تا ئەمڕۆش بەردەوامە، زیاتر لە ٢٠١ هەزار کەس شەهید یان بریندار بوون.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٥٩ هەزار و ٦٧٦ کەس و ژمارەی بریندارەکانیش گەشتە ١٤٣ هەزار و ٩٦٥ کەس.
کازم غەریب ئابادی، جێگری وەزیری دەرەوەی ئێران لە لاپەڕەی تایبەتی خۆی سەبارەت بە دانوستان لەگەڵ ٣ وڵاتی ئەوروپی لە ئیستانبوول وتی، "ڕێکەوتن کرا بەردەوام بین."
نەتەوە یەکگرتووەکان ڕایگەیاند، "زیاتر لە ١ ملیۆن منداڵ لە غەززە باجی قووڵبوونەوەی برسێتی و بەدخۆراکی دەدەن."
تەیسیر سلێمان بەرپرسی بزووتنەوەی حەماس کاردانەوەی بەرامبەر ئەو کەسانە دەربڕی کە بزووتنەوە و بەرخۆدان بە هۆکاری کوژراوەکانی غەززە دەزانن و وتی، "ئەگەر بەرخۆدان تەسلیم بێت لەوانەیە بتوانن خواردن بخۆن، بەڵام سەریان دەبڕدرێت! ئامانجی ئیسرائیل ئەوەیە: ئەگەر ناتوانی بەرخۆدان تێکبدەیت، گەلەکەیان بکوژن. لەڕێگەی برسێتی و گەمارۆوە بیهێننە سەر ئەژنۆیان."
